<The Maple Couple 候鳥長假期正式開始 - 馬來西亞>
因爲家有要事，The Maple Couple 毅然需要帶埋4個月大的Mr. Maple Baby 回到 Mrs. Maple Couple的家鄉 - 馬來西亞。
由於只有一個禮拜時間做準備，一切都來得很趕急。由研究隔離問題、機票、酒店、COVID test等安排，我們只有很短的時間作安排。
繼去年用兩個月時間安排搬到加拿大後，今次我們再一次地挑戰自己極限，還要同時打點小寶寶的一切。
現在馬來西亞政府正推出一個名為International Travel Bubble to Langkawi的安排，讓已經打齊兩針的外國人（包括Mr. Maple Couple 和 Mr. Maple Baby) 在疫情期間，無需用任何簽證也可以自由在浮邏交怡島上度過7天，然後便可以出發到其他馬來西亞城市。
這7天期間，我們需經指定旅行社，住在指定酒店，然後在酒店自由活動，甚至可參加不同類型的City Tours。
唯這7天期間，我們需每天進行covid測試，並把化驗結果交給政府。
《同一件事。世界大不同》
係馬來西亞做covid test，係可以有專人去到你酒店房門口篤鼻 。足不出戶，唔洗排隊，感覺安全。
係加拿大做covid test，唔想排隊的話，最舒服就已經係drive through
而Mr. Maple Baby 表示，佢只係想留係冷氣房張床上面，繼續食Lovevery故事書。
Lovevery - Montessori 教學玩具Subscription Boxes:
浮羅交怡免簽證及隔離之國際旅遊泡泡 -
《正所謂：意外就係意料之外 - Mr. Maple Baby 成個行李下落不明》
正當Mr. Maple Baby 係海邊曬吓太陽，嘆吓冷氣同思考人生的同時，The Maple Couple每天正努力搜尋佢個行李的下落。
自從係加拿大上機後，我地就無見過佢個行李。機場個行李中心話幫我地搵，但浮羅交怡個機場實在太落後，佢只係知道個行李無抵達馬來西亞，亦唔係中途轉機的多哈機場。
莫非，佢個行李仍然係加拿大？
咁我地就打電話去係果度買機票的卡塔爾航空。大家都知道，Call Center 係依個世界其中一個最廢既發明，佢又好廢咁只係交我地上航空公司個網度報失蹤。
咁好啦，報完啦，過咗幾日，又完全無人理我地。只係將我地D電郵掉來掉去。
個行李除咗係Mr. Maple Baby 的衫褲鞋襪、生活日用品之外，仲有佢的大量水奶。話說加拿大好多小朋友都係飲一罐罐的水奶（圖三），而依D水奶在亞洲係好難搵倒㗎！而且真係好重！好彩佢開始大個仔，可以學食固體食物。
另外，幸好我地有將佢啲奶水同其他日用品分開幾個行李黎放，如果唔係，我地係浮羅交怡依個島仔真係會好大鑊！
係講航空公司賠償之前，我真希望可以搵得翻佢個行李，如果唔係，就要由頭買過曬Mr. Maple Baby の嘢啦。未做都已經覺得心累
Take care 🙂