一覺訓醒，2021年就咁樣黎左啦？
2020年對於所有人來說，都是不想去回望的一年。而對於我們來説，也沒有真正的休息過，是人生中變化最大的一年。
2020年，我們決定離開。由買機票、執60幾箱野、賣家私電器、辭職、同老闆同事朋友親人解釋點解要走（都唔明點解有人會唔明我地走……）MPF 宣誓、Outland Sponsorship 完成biometric、驗身、chur 爆領事館獲得COPR、準備所有香港的證明文件、清稅、長期留意匯率，等低點時轉錢、到3月到步隔離、4月開設The Maple Couple 、設計網站、開始學拍片、學習開設Facebook Page、搞credit score、探訪Sudbury 研究RNIP的可行性、揾工見工返工、搞mortgage、考車牌、買車、睇樓買樓、買家私電器、入伙、Unpack 60幾箱野、裝修、裝家私、搞水電、協助各位網友移民、聯合各大學院協助年輕人報讀大專，不斷解答每位學生的問題，再每日協助新既學生報讀，真心全年都無停過。 ❤️❤️❤️❤️❤️
The Maple Couple 係【極速完成research 的天生chur爆行動性】。當身邊好多朋友2018、2019年已在計劃移民，到宜家仍然因爲各種原因地繼續研究中的時候，我地已經竟然完成曬所有野。係有一種滿足感，但突然竟然有一點感覺無聊。呼，人真係犯賤。🤣🤣🤣 我地真心好想趁住全個安省lock down放一個長假，咩都唔做。所以我地就係過去11日，除左出去買送游車河之外，好頹廢咁留係屋企，文又唔寫、片又唔拍、野又唔做，好好享受一下自己畢業後辛苦工作幾年後所買的新家 。 我計過，我地係香港應該做到退休，都買唔到咁大屋間，所以真心唔應該浪費左佢。 ❤️❤️❤️❤️❤️
以往在香港地方淺窄，你眼望我眼，好快就會睇對方唔順眼，繼而灑下花窗、講下對方的不是，娛樂下大家。睇電視、去洗手間都要排隊。聽歌、開house party、玩poker、玩狼人 又唔可以太大聲，怕嘈親隔離屋。假期出門要去下旅行、燒下錢、財散人安樂，先至覺得自己心理平衡一點。
在過去11日，The Maple Couple係屋企除左做運動、煮飯、食飯之外，我們真係好似廢青咁樣乜都唔做，連衫都唔想洗，地都唔想拖。阿媽，放心，我有冲涼。🤣🤣🤣 可能因爲空間大左，同埋我地每人每層一部電視 ：我就係Basement個小型Home Theatre度日日睇波、打機、睇睇到識背但仍然會笑既Ted 同埋Hangover，終於無人話我大叫得太大聲。而Mrs. Maple Couple 就日日係度煲劇、煮野食、設計厨房裝修。我地竟然連閙覺既藉口都無。🤣🤣🤣 ❤️❤️❤️❤️❤️
此時此刻，趁自己係加拿大還沒有小朋友，可以真真正正享受一下好似去左泰國度假咁既生活，真好。但係係一個好鬼凍既曼谷。
好啦，放完假啦，一蚊都無洗到，（除左比多左電費）反而比係香港去完旅行之後，還要覺得refresh，係時候收拾心情繼續努力啦。2020年，是時候把它忘記，準備好新的一年。我們都準備好了。你呢？
想了解下更多加拿大的有趣生活，可瀏覽： https://www.themaplecouple.com/…/catego…/fun_lives_in_canada
Comentarios