移民到底應否DIY? 這個問題竟然也可以引起網民熱論，閙得火熱。
這個問題就好似 “今晚應唔應該出街食飯一樣” ，如果咁都要爭論一餐，都真係幾無聊。
香港好多人晚晚夜晚都會出街食、甚至乎晚晚都會Fine Dining。有錢洗得鬼推磨，錢自己賺自己洗，唔需要同任何人交代。但你知道，就算去最好的餐廳，都會有機會一個唔覺意食物中毒。
同時，有好多人鍾意晚晚自己係屋企煮。除左省錢，還可以享受當中個程。但自己煮唔代表唔會食物中毒，亦唔代表會好食。你隔離果個同你講好食，可能只係唔想你毒死佢。
香港寸地黃金，身邊不少朋友兩公婆每人年薪百萬，日做12個鐘以上，返到屋企仲要管工人煮飯、管小朋友讀書、處理四大長老的申訴，如果你仲要叫佢DIY移民，等於殺左佢。對於他們太說，時間比金錢重要。一百幾十萬洗左，轉頭就揾得翻。重點是要對適合的人協助自己，小心誤入騙局。但這一班朋友一般都很聰明，識得睇contract、或識得揾律師保護自己。
如果你不懂保護自己，就必須要學懂保護自己。如果你本身唔係身家萬貫，無咁大個頭，就唔好戴咁大頂帽。
當然，很多年輕人、中產家庭都不能花費一大筆金錢去搞移民。其本身薪水不算太高，但工時仍然很長。這是香港特色，大家都好鍾意返工。日做12個鐘後，半夜三間仍然要繼續研究各種移民資訊。另外有些人本身就是閑著，願意花很多時間了解相關資訊；因此，所謂【DIY的移民熱潮】就蓬勃了起來。然而，網上資訊散亂、不集中，講者無需負責等問題，讓很多人走過了很多冤枉路。
想深一層，其實所有東西都可以DIY。
你住緊既屋，理論上可以自己去學去起，去問政府申請土地，牌照。唔需要靠發展商。
你駕緊既車，其實可以係淘寶去買每件零件，自己整架車出黎。唔需要車厰。
你每日食既野，其實可以自己種、自己養鷄牛羊。唔需要超市。
你個小朋友其實可以自己照顧，唔需要靠工人。
依D野咁重要，點解你唔DIY既？
價值觀、時間觀、物質觀，每個人都不一樣。
不需要爭論、無需凡事自我中心。覺得適合自己的東西，不一定要套在別人身上。
香港人，加油吧。
Comentarios