Centennial College X The Maple Couple 快閃獎學金計劃 (參賽者 - Sam)
Hi，我係Sam 🤣，我係今年九月既時候經The Maple Couple報讀咗Centennial College 既Financial Planning 課程。
首先想讚下🍁The Maple Couple 既同事有問必答，因為一開始申請相信大家都同我一樣有唔同嘅憂慮，好彩Maple Couple處理唔同問題都好有效率，成個申請既過程都好方便順利，唔係講笑經The Maple Couple 報學校算係依一年最好嘅決定哈哈🤣🤣。
第二個要讚自己做得好既決定係選擇咗Centennial College。首先Centennial College有唔同嘅學科可以俾大家選擇，由按摩治療同烹飪🧑🏼🍳👩🏼🍳，去到工程學同財務策劃🧑🏻💻👩🏻💻都有得揀，多元化嘅選擇可以令大家好容易揀到自己想讀嘅科目。學校嘅氣氛亦非常唔錯，唔同學科嘅人都會互相交流，好似有時經過烹飪課程嘅課室嘅時候，都會有其他同學拎一啲蛋糕🍰出嚟請經過嘅同學食，大家都好樂意將自己有嘅嘢分享比其他人。呢度嘅風氣比起香港嘅教育制度更加自由同埋融洽🥳。
第二樣好處就係Centennial College係多倫多最多華人移民選擇報讀嘅學校，基本上你一入到學校門口，一定會聽到有人喺度講廣東話🙆🏻♂️，對於啱啱去到新環境嘅我黎講，比較容易適應新嘅生活，令我可以比較好咁樣過渡一開始既唔習慣。而且除咗華人之外，亦有好多黎自唔同文化背景嘅同學，好似菲律賓，法國🇮🇸🇨🇦🇰🇷等等，我仲同幾個唔同國家嘅同學做咗朋友添。簡單啲講，係Centennial College入面，你想識多啲外國人同外國文化又得，識多啲同鄉既華人朋友等自己快啲適應呢度嘅生活亦得，得咗🤪。
講多個秘密俾大家知，Centennial College 財力非常雄厚😌，咁佢有錢關我哋咩事呢？就係Centennial College 一直都有用佢龐大嘅資金興建一啲新設施俾同學使用，好似室內籃球場，足球場⛹🏻♂️同埋設備齊全嘅健身室，練舞室🤸🏻等等，得閒約埋朋友去做下運動真係好方便。除咗運動設施，我所在嘅商學院亦都興建緊新嘅教學大樓，好新又有好多落地玻璃，真係上堂都開心啲，黎緊過嚟既同學不妨考慮吓依間學校🤙🏻。
至於點解我會選擇Financial Planning課程？就係因為我見Centennial College有為佢嘅課程同唔同嘅專業資格機構合作🤓，我依家讀嘅科目會幫同學考取銀行業嘅證券買賣資格，同埋保險業，財務策劃等等嘅專業考試💁🏻♂️。而依啲專業資格例如CSC (Canadian Securities Course)對入行好有幫助架，算係入行嘅入場券。所以做開銀行同金融業嘅朋友不妨考慮吓報讀呢個課程。俾多個溫馨提示大家，就係課程會比較緊湊，報咗呢科嘅同學就要有少少心理準備啦😆，不過一年就拎到PR同返工嘅入場券，乜都抵啦係咪咁講先。
By the way，The Maple Couple 仲有幫香港人開左個【The Maple Couple Centennial 同學會】🙈。大家有咩問題都可以喺嗰度問吓其他同學，我嗰陣申請學生簽證嘅時候都有好多問題係靠其他同學幫手解答，如果自己一個處理真係搞唔掂。同學會除咗幫大家解答學業，簽證問題之外，亦都係一個識朋友嘅好地方，我依家一齊上堂嘅同學就係靠同學會事先喺香港相認，之後再一齊過嚟加拿大讀書，變咗一落機就已經有一堆加拿大嘅朋友，成件事開心好多🥳！我亦都有經同學會搵唔同興趣嘅圈子，好似行山⛰，唱k🤓咁。有The Maple Couple 同學會真係方便好多，可以好快咁識到好多黎自香港嘅朋友，唔使擔心自己會變毒撚😂。
如果有意黎加拿大讀書嘅朋友推介你哋經The Maple Couple 報名，佢哋俾既意見都好中肯同有用，相信大家會揀到自己鐘意嘅學校同科目！🙌🏻
www.themaplecouple.com
Comments