同香港既Long D The Maple Couple 同學會潮文 #10
2021 年 9月入學Digital Marketing PG 同學 著
人越大就覺得越難踏出自己既comfort zone。由細到大都係一個比較猶豫不決既人，因為做所有事情，都好追求一個完美既planning， 唔鍾意take risk， 唔鍾意做一d risky 既決定。當面對一d 存在好多未知因素既事情，我成日都好難真係做到個決定。
而今次決定黎CA，應該真係近幾年黎做過最勇敢既決定。 係未發生2019年既事之前，都會有一個諗法係想試下係外國生活。因為之前短暫係唔同國家生活過，都幾鍾意外國既生活。香港既工作同生活壓力，令我覺得好無奈。送中開始之後，都未有一個諗法，係想離開。但係一日一日，無助感越黎越大，對好多嘢感受到既絕望同埋無能為力，令我開始真係有個諗法係想試下踏出第一步。
開始搵學校，搵到The Maple Couple去到交application，其實係兩日內既事。雖然當時關於PR既policy仲未完全公布，但係都叫有幾個backup plan 係可以support到我make e個decision。再去到後面apply visa，處理香港生活同工作上既嘢，其實都係好短時間已經confirm曬， plan 好要點做。
身邊既朋友都好驚訝，我一同佢地講，已經係話八月尾要飛。因為佢地之前都冇聽過我話要走。老實講比起身邊既朋友，我聽好多，都係有唔同既因素，令到佢地走唔到，或係唔想走。家庭， 朋友，工作，愛情，經濟。 老實講，有得揀，邊個又會想離開自己一直生活既地方同身邊熟悉既人啊。 奈何我地e個時期既香港人，可以有選擇既機會變得越黎越少。
黎到加拿大之後，其實都好快適應到。識到新既好朋友，開始熟悉e邊既環境，天氣同埋生活。其實一直都冇擔心過會唔習慣e邊既生活，一路以黎擔心既，只有自己對香港同埋香港人既思念。每當見到香港既一d 令人無言既政策同新聞，社會既趣事，朋友既近況， 都會挑起我既思緒，諗返起or諗到好多嘢。
離開其實對於留低既人，同走既人，都唔係一個容易既決定。但係為左自己又好，為左屋企人，或者係抱著一絲對保存香港精神既希望。每一個黎到，或者準備黎既人，我都想對大家講聲 香港人加油。
Comments