Mr. Maple Baby 出世已經無咩頭髮，我哋又無話想同佢剃頭，所以過去一年佢都無剪過頭髮。
見佢頭髮日漸增長，成日係條街俾人以為佢係Baby Girl，話: “You are such a cute baby girl ”。咁我哋就決定同佢初次下海，獻出第一次俾屋企附近依間《小朋友髮型屋》。
一入到去裡面，已經見到有個小學生係度染髮，真係好搞笑。Mr. Maple Baby 揀好自己愛駒，坐定定，本來好高興、好興奮。
但髮型師一動手，佢就開始強烈表示不滿。髮型師真係好專業，唔單止不斷Cocomelon放題，仲有得玩吹泡泡去分散佢注意力。佢手起刀落，就算阿仔搖來搖去都無阻外佢專業的發揮。轉個頭已經剪好咗個頭，盛惠30大元。
剪完頭髮又真係幾型仔。希望佢唔好再俾人話佢係Baby Girl啦～
Comments